Feliz ano 2009!!!

Cos meus mellores desexos...!!!

Tecnoloxía ou metodoloxía??

En Educación, como noutras cousas, moitas veces é máis importante QUERER que PODER... Non sempre as escolas con máis recursos e máis punteiras son as mellores. Un bo profe/profa con ganas e entusiasmo é un mellor seguro.
Botade un ollo no seguinte vídeo porque, en algunhas escolas, non dista tanto da realidade.

A familia Telerín

Cando eu era pequena a tele aínda era en blanco e negro, decíanos que unha peli era para maiores con dous rombos nunha esquina e eu marchaba para a cama coa familia Telerín...

25 de novembro

Hoxe é 25 de novembro

Hoxe é o

Día Internacional contra a violencia de xénero

STOP!
BASTA XA!

15 días en agosto...!!!

Xa hai un tempo que descubrín este vídeo no blog dunha amiga. Daquela non o colguei aínda que me encanta, pero hoxe quero que aqueles/as que de vez en cando botades un ollo por aquí sexades tamén partícipes da súa mensaxe...
Adicádelle pouco máis de 3 minutos que vale a pena...

20 de novembro: Dia da infancia

O pasado xoves, 20 de Novembro, foi o Día da Infancia. Con tal motivo empezou a emitirse nas principais canles de televisión un spot publicitario contra o maltrato infantil co lema:

AS TÚAS MANS DEBERÍAN COIDAR, NON PEGAR

Quería telo colgado xa, porque ademais de pola súa mensaxe é un spot que me encanta pero en todo o fin de semana non foi posible.
Si non o coñecedes convídovos a velo porque na miña opinión vale a pena... pero desexo que o vindeiro ano non sexa necesario facer campaña en contra do maltrato infantil

Caprichos da natureza!!!!

A saber que apretos tivo que pasar a isca, faisca, arume... ou como cada quen lle chame para adoptar esta forma tan caprichosa...

Non era sen tempo...!!!

Van alá máis de 3 meses desde a última vez que escribín no blog... e de aí o título de hoxe: Non era sen tempo...!!!
Tiven oportunidades... o meu cumpreanos, algunhas saídiñas por aí, o comezo do curso, a ruta de sendeirismo do concello de Forcarei, unha fin de semana nun muíño... pero faltáronme as ganas, ou poñerme... non sei o que foi!
Hoxe saquei as arañeiras do blog e espero a partir de agora publicar pequenas entradas máis asiduamente.... Quedan pendentes as fotos da ruta de Forcarei, do fin de semana no muíño...
Un bico aos que me len... eeeee

Manolito podes tar contento, xa actualicei!!!

Por un funcionario...!!!

Érase que se era un rapaz, dunha aldea da Estrada - OUzande, para sermos máis concretos - que se presentou a unhas oposicións...
E o conto das oposicións é que uns pasan e outros non... Pero a este rapaz do que estamos a falar dixéronlle:

"Ti si que vales..."

Non foi un mérito deste tribunal darse conta, porque os seus amigos/as sabiamolo dende había moito tempo... pero o caso é que agora é:

Funcionario en prácticas

é por iso aproveito para felicitalo.

Parabéns Topete!!!

Piove a dirotto (="chove a chuzos")

En galego, "chove a chuzos" aínda que cada vez menos, pero... en italiano, inglés, francés ou inglés, como chove???
Dende a Escola Oficial de Idiomas de Lugo, achégannos esta escolma de frases feitas en varios idiomas, botádelle unha ollada porque é moi interesante:

Locucións e frases feitas
Nº 2: A CLIMATOLOXÍA
Equipo de normalización e dinamización lingüística da EOI de Lugo
Ano académico 2007/2008

"Chove a Dios dar auga" (= chove abundantemente)
Alemán : Es gießt wie aus Kübeln.
Francés : Pleuvoir comme une vache qui pisse.
Inglés : It’s raining cats and dogs.
It’s pouring/teeming/bucketing down.
Italiano : Piovere a ciel rotto.

"Chove a chuzos" (= Chove moito)
Alemán :Es regnet in Ströhmen.
Francés :Il pleut des cordes.
Inglés :Ver enriba.
Italiano: Piove a dirotto.

"Branco coma neve" (= Moi branco)
Alemán : Weiß wie der Schnee.
Francés : Blanc comme neige.
Inglés : As white as snow.
Italiano: Bianco come un lenzuolo / come la neve.

"Frío coma o carambo"(= Moi frío)
Alemán : Es ist eiskalt.
Francés : Froid de canard.
Inglés : As cold as ice.
Italiano: Freddo come un ghiacciolo.

"É coma un sol" (= É moi fermoso)
Alemán : Schön wie ein Sonnenschein.
Francés : Beau comme un Dieu/comme un astre.
Inglés : As pretty as a picture.
Italiano: Bello come un sole.

"Ser coma o raio" (= Ser moi rápido / veloz)
Alemán : Schnell wie der Blitz.
Francés: Rapide comme un éclair/comme la foudre.
Inglés : As quick as lightning.
Italiano: Essere veloce più del lampo.

"Caer auga a xerros" (= Chover moito)
Alemán : Es regnet in Ströhmen.
Francés :Il pleut à seaux.
Inglés : Ver enriba.
Italiano: Piovere a catinelle.


"Coa auga ao pescozo" (= En dificultades)
Alemán :Das Wasser bis zum Halse haben.
Francés :Se noyer dans un verre d’eau/avec la corde au cou.
Inglés :To be up to your neck in trouble.
Italiano: Essere con l’acqua alla gola.

"Ir un frío que queima" (= Ir moito frío)
Alemán : Es ist Arschkalt (ben vulgar).
Francés :Faire un froid de canard/faire un froid de loup/piquant.
Inglés : It’s freezing cold.
Italiano: Fare un freddo cane.

"Quedar frío" (= Quedar sorprendido por algo desagradable; estupefacto)
Alemán : Jemanden kalt lassen.
Francés :Rester de marbre.
Inglés : To be stunned/staggered.
Italiano: Restare di stucco / di sasso.

Di o refrán: "Nunca te deitarás sen aprender unha cousa máis" e pola de hoxe teño que darlle as grazas a EOI de Lugo.
Ánimo!!! e ata a próxima

Frato, 40 años con ojos de niño

É moi dificil pasar por Maxisterio e non ter escoitado falar de Tonucci...
É pedagogo e desenvolve un intenso traballo no ámbito da educación e da formación infantil.
A súa filosofía básase en darlle maior autonomía e poder de decisión aos nenos... Impulsou na súa localidade natal, Fano, a creación da Cidade dos nenos
Pero hoxe quero falar de Tonucci por outro motivo: fai xa 40 anos que creou as viñetas de Frato que nos amosan o mundo a través dos ollos dun neno.
A min persoalmente, gustanme moito e vexo as que aparecen publicadas na revista Cuadernos de Pedagogía.
Recentemente a editorial Graó ven de publicar un libro-álbúm: "Frato, 40 años con ojos de niño", que recolle unha escolma das mellores e máis coñecidas viñetas de Tonucci.
Se non coñecedes a Frato convídovos a facelo... para mín foi un gran descubremento...

As TICs no cole (5)

Xa como remate ao apartado "As TICs no cole" quero comentar algo que diferencia a este cole doutros moitos...
No meu cole de prácticas a informática non é algo accesorio, senón que as novas tecnoloxías teñen a consideración de ferramentas educativas.
Non hai clases de informática, o que ocorre é que a informática se integra dentro da aula sen un horario específico e en relación coas outras áreas de estudio.
Ensínaselles aos nenos, xa desde Infantil, que os ordenadores son unha ferramenta de traballo, útil para obter información, como vía de comunicación... e ao mesmo tempo que se habitúan ao uso desta ferramenta están a traballar outros contidos (lecto - escritura, matemáticas...)

Podedes ler máis no seguinte artigo de Vieiros: Un cole diferente, publicado con motivo do XX aniversario do colexio.

No tempo que alí estiven os nenos de 4 e 5 anos usaron o ordenador en varias ocasións, usamos o radio-CD para poñer música en algunhas sesións de psicomotricidade e tamén para escoitar panxoliñas...
As cámaras dixitais tiveron protagonismo en moitos momentos de aula: nos obradoiros de cociña - cando fixemos turrón de chocolate (en 5 anos), polvoróns (en 4 anos) ou masa de sal cos máis pequenos..., na festa de Nadal...
Tamén nos días previos ao festival de Nadal apareceu pendurado do teito do patio o canón proxector que tivo o seu protagonismo na festa de Nadal de Primaria...